УФЦ: Адесања ја одбрани титулата, Морено нов шампион
Изминатата ноќ во Глендејл во Аризона беше одржана УФЦ 263 приредбата во која две борби беа за шампионската титула.
Во главната борба на вечерта, Израел Адесања повторно го победи Марвин Ветори и остана шампион во средна категорија.
Во распродадената „Фил Ривер“ Арена, Адесања со едногласна одлука на судиите го победи Ветори. По петте рунди, сите тројца судии борбата ја бодуваа 50:45 во корист на Адесања. Ова воедно е втор триумф на борецот од Нов Зеланд над Ветори, откако славеше и на првата пресметка во 2018 година, кој сега има скор од 21 победа и само еден пораз во професионалната ММА кариера. Ова беше трета одбрана на титулата на Адесања во средна категорија по победите над Жоел Ромеро и Паоло Коста.
Препорачано
-
1
-
2
-
3
Во вториот меч за титулата, до 57 килограми, Мексиканецот Брендон Морено направи изненадување и го победи шампионот Девисон Фигуередо. Морено го победата дојде до „гушење“ во третата рунда.
Британецот Лион Едвардс со едногласна одлука на судиите го победи Нејт Дијаз. Сите тројца судии бодуваа 49:46, а интересно е што ова беше првата борба во историјата во која имаше пет рунди, а да не беше меч за титула.
Во останатите мечеви, во велтер категорија Белал Мухамед со едногласна одлука на судиите го победи Бразилецот Демиен Маја. Дпдела полутешка категорија Пол Крег уште во првата рунда го натера Џамал Хил да тапка и да се предаде.
