По повеќе од девет часа од драмата и крвавиот инцидент кој ноќеска ги потресе прилепчани, Обвинителството се огласи со првите официјални информации. Според ОЈО, убиецот кој ги уби својот внук од сестра и неговото 11-годишно дете, тоа го сторил поради спор со сестрата околу поделба на имот.

„Дежурен јавен обвинител од Основното јавно обвинителство Прилеп изврши увид на во куќа во центарот на Прилеп каде беа пронајдени безживотните тела на 11-годишно дете и двајца мажи на возраст од 43 и 63 години. Според првичните сознанија, 63-годишникот најпрво го лишил од живот својот внук од сестра и неговиот син, поради семејни недоразбирања и нерасчистени имотни прашања. По извршување на делото, мотивите за стореното ги објавил и на една социјална мрежа, а потоа се самоубил“, пишува во соопштението од Обвинителството.

Јавниот обвинител издал наредба за обдукција на починатите, како и за прибирање на сите траги, оружје и муниција пронајдени на лице место кои ќе бидат предмет на вештачење, додаваат од ОЈО.

Ужасно злосторство во Прилеп – напаѓач пукал во членови на семејство, убил и дете