Полицијата денеска поднесе кривична пријава против 56-годишен маж од Скопје осомничен дека на 8 февруари физички нападнал и грабнал човек кој му бил должен.

Тој, поради нерасчистени должничко – доверителски односи, околу 01.30 часот на 08.02.2025 со употреба на сила и погоден алат влегол во домот на М.Б.(51) од Скопје, физички и со тврд предмет го нападнал и со закана го однел во неговиот дом, каде продолжил со заканите – велат од МВР.

Подоцна, грабнатиот успеал да избега и настанот го пријавил во полиција, а кратко потоа полициски службеници го уапсиле осомничениот и направиле претрес во неговиот дом, каде пронашле доказен материјал.

Од МВР информираат дека по консултација со јавен обвинител, против уапсениот е поднесена кривичната пријава, а од судија на претходна постапка му е изречена мерка притвор во траење од 30 дена.