Полицијата вчера попладне уапсила 25-годишен штипјанец кој претходно предизвикал пожар во месноста „Елки“. По апсењето, полицијата костатирања дека Б.С. имал здравствени проблеми и по насока на медицинско лице бил пренесен во Психијатриска болница Штип.

„На 30.08.2025 околу 15:20 часот во Штип, полициски службеници од СВР Штип го лишија од слобода Б.С. (25) затоа што околу 14:30 часот предизвикал пожар во месноста „Елки“, при што била опожарена сува трева и ниска вегетација. Веднаш по добиената пријава за настанат пожар, полициските службеници презедоа соодветни мерки и активности и констатирано е дека Б.С. , лице со здравствени проблеми, запалил трева, по што пожарот се проширил кон ридот.“, велат од полицијата.

Оттаму додаваат дека е известен јавен обвинител и по документирање на случајот, ќе биде поднесен соодветен поднесок.