Белград е најскап град за живеење во регионот (186 место во Европа), а веднаш по него е Будва (188 место во Европа). Зад Белград е Тирана (194 место во Европа), главниот град на Албанија, анализира сајтот Нумбео, пренесува. При рангирањето на градовите се воделе според цените во рестораните и супермаркетите, цените на јавниот превоз, комуналните услуги, здравствената заштита, киријата и слично.

„Иако Тирана се смета за евтина за живеење од гледна точка на другите Европејци, таа е скапа за локалното население и нивото на приход“, пишува Еуроактив.

Едно од најевтините места за живеење е Приштина (234 место во Европа), потоа Ниш во Србија (232 место) и Тузла во Федерацијата Босна и Херцеговина (227 место). Главниот град на Босна и Херцеговина е на 206. место во Европа и е поскап за живеење од Подгорица, Нови Сад, Скопје, Бања Лука…

Во Хрватска најскапо е да се живее во Задар (141 место во Европа), потоа Дубровник и Загреб кој е на 150 место според трошоците за живот во градовите во Европа. На врвот на листата на најскапи во Европа за 2023 година е Базел, а потоа следат Цирих, Лозана, Цуг и Берн, сите во Швајцарија. Другите градови во првите десет најскапи се наоѓаат во Норвешка: Осло, Ставангер, Берген, Трондхајм и Тромсо. Близу до дното на листата се градовите во Украина зафатена од војна, а Харков е на последното место. Други евтини места за живеење се украинските градови Лавов, Одеса, Днипро и Киев.