Јусуф Назик, клучниот организатор на нападот во Рејханли, во турската област Хатај во 2013 година, осуден е на 53 отежнати доживотни затворски казни од страна на судот, пренесува Агенцијата „Анадолу“.

34 годишниот Назик призна дека учествувал во смртоносниот бомбашки напад во градот Рејханли во Хатај, јужна Турција, во 2013 година, во кој загинаа 53 лица.

Околу 912 згради, 891 деловен објект и 148 возила, исто така, беа тешко оштетени во нападот.

Назик беше уапсен од припадниците на Турската разузнавачка служба во сирискиот пристаништен град Латакија на 12 септември минатата година.