Три автомобили во сопственост на приватни фирми, изгореле синоќа околу полноќ на улица во Битола, соопшти МВР.

„На 20.05.2025 во 00:25 часот во СВР Битола e пријавено дека на ул.„Леринска” во Битола се опожарени патничко возило „тојота рав 4“ со битолски регистарски ознаки, сопственост на приватна фирма, а го користела С.К. од Битола, патничко возило „фолксваген пасат “ со тетовски регистарски ознаки, сопственост на приватна фирма и патничко возило „дачиа логан“ со скопски регистарски ознаки, сопственост на фирма. Пожарот е изгаснат од екипа на Територијалната противпожарна единица Битола, а повредени лица нема. Увид извршила увидна екипа на СВР Битола и се преземаат мерки за расчистување на настанот“, пишува во полициското соопштение.