Мексиканските здравствени власти објавија дека во земјата се регистрирани 22 случаи на мали сипаници, повеќето во државата Чивава, кои се поврзани со епидемијата на болеста што избувна во соседните САД, каде две лица починаа, а повеќе од 250 се заразени.

Според најновиот епидемиолошки извештај објавен вчера, четврток, до 9 март во Мексико се регистрирани 416 сомнителни случаи на сипаници, од кои 22 се потврдени.

„Има два увезени случаи и 20 поврзани со нив“, се појаснува во извештајот.

Мексиканските власти објаснија дека 18 случаи биле идентификувани во државата Чивава, која граничи со американската сојузна држава Тексас.

Повеќе од 250 случаи на мали сипаници се регистрирани од почетокот на годината во југозападниот дел на САД, главно во државата Тексас. Две лица починаа од оваа епидемија, што е прв смртен случај од морбили пријавени во САД по една деценија.

Повеќе од половина од случаите во Мексико вклучуваат деца под 9 години, а најстариот пациент е на 19 години.

Минатата година во Мексико беа идентификувани седум случаи на мали сипаници, сите увезени.