Грчката полиција и специјалните единици детално го прегледаа пликот пронајден порано денес во дворот на Парламентот и се покажа дека е само лажна тревога.

Пликот содржел писмо адресирано до Киријакос Мицотакис, а испраќачот бил од Русија.

Пликот содржел некаков прав и затоа бил вклучен алармот и активирани службите.

На местото на настанот се упатиле 12 пожарникари со 4 возила и една екипа на Службата за кризен менаџмен. Надлежните го собрале пликот, кој се очекува да биде однесен во специјалните лаборатории на ЕЛАС, според протоколот, објавија грчките медиуми.

Во грчкиот Парламент, во последните месеци е формиран посебен тим за управување со кризи кој се активира во вакви случаи. Тој беше активиран за прв пат денес поради што беше извршена ваква мобилизација. Во Парламентот беше направена првична проверка на пликот без да се отвори, а потоа беше испратено до ЕОДИ (Служба за јавно здравје) за понатамошно дејствување.