Алија Брацо Хаџиосмановиќ е култна личност на сараевскиот фудбал, тој е претседател, тренер, и срце и душа на нисколигашот Врбањуша.

Популарниот Брацо е активен на социјалните мрежи, а неговиот мотивациски говор во соблекувалната пред натпревар на својот тим, го објави на Фејсбук и видеото веднаш стана хит.

„Роберт, доколку се откажеш од дрогата, ќе играш, а доколку не се откажеш, нема да играш. Легни тука да те видам. Направи пет склекови“, викаше Брацо Хаџиосмановиќ.

Фудбалерот го послуша својот тренер и претседател на тимот и направи пет склекови, по што даде заклетва пред камерите.

„Шефе, јас свечено се колнам дека никогаш повеќе нема да се дрогирам, дека ќе доаѓам на тренинзи и ќе бидам чесен играч и човек. Со својата работа и резултати ќе се наметнам во екипата, бидејќи ти шефе ми помагаш“ рецитираше Брацо, а повторуваше Роберт.

Брацо подоцна демантираше дека Роберт навистина е наркоман.
„ Роберт е одлично момче и нема врска со дрогата. Сето ова е мотивациски говор пред натпревар. А видеото има 102.000 прегледи“, напиша Брацо на Фејсбук.