Американскиот претседател Доналд Трамп денес изјави дека непријателствата меѓу Пакистан и Индија се решени, откако ги повика двете земји да се фокусираат на трговијата наместо на војната.

Во обраќањето пред американските трупи во воздухопловната база Ал Удеид во Катар, за време на турнејата на Блискиот Исток, Трамп рече дека Пакистан и Индија се задоволни од тоа, објави Ројтерс.

Соседните нуклеарни земји го завршија конфликтот, кој траеше од 7 до 10 мај, кога се согласија на прекин на огнот по дипломатијата и притисокот од Соединетите Американски Држави.

Како што беше најавено, Трамп ќе отпатува за Абу Даби во Обединетите Арапски Емирати подоцна денес за последната етапа од неговата турнеја на Блискиот Исток, која трае од 13 до 16 мај.