Бившиот претседател Доналд Трамп се раздели од Здружението на филмски глумци по бомбастичното писмо во четвртокот и тоа затоа што бил соочен со дисциплински мерки со синдикатот, пренесува Политико.

Одборот на синдикати гласаше во јануари да го упати Трамп до дисциплинскиот одбор на синдикатот, повикувајќи се на неговата улога во немирите во Капитол хил на 6 јануари, кога починаа најмалку 6 лица и заради „кампањата за дезинформации насочени на дискредитација и загрозување на сигурноста на новинарите“, се наведува во соопштението за медиумите од 19 јануари.

Ако дисциплинскиот одбор го прогласи за виновен, казните можат да бидат укор, парична казна и протерување.

Но Трамп ја напушти унијата пред да можат да се размислат казните. Неговото писмо во четвртокот содржело потсмев за претседателката на синдикатот Габријел Картерис, која не направила „ништо за Трамп – освен да собира членарина и промовира опасни антиамерички политики и идеи“.

„На кој му е гајле!“, напишал Трамп во писмото до дисциплинскиот комитет. „Иако не сум запознаен со вашата работа, многу сум горд на својата работа во филмовите како „Home Alone 2“, „Zoolander“ и „Wall Street: Money never sleeps“, и телевизиски емисии вклучувајќи ги “The Fresh Prince of Bel-Air”, “Saturday Night Live”, и секако една од најуспешните емисии во историјата на телеивизијата, „Шегрт“!

„Ова писмо ве известува за моето отчленување од Здружението. Ништо не направивте за мене“, напишал тој.

Извор: Б92