Американскиот претседател Доналд Трамп во неделата вети дека ќе ги избрка бездомниците од главниот град и ќе ги притвори криминалците, додека градоначалникот на Вашингтон тврдеше дека градот не се соочува со зголемување на криминалот.

– Бездомниците мора да се иселат, веднаш. Ќе ви дадеме сместување, но далеку од главниот град. Криминалци, не мора да се селите. Ќе ве ставиме во затвор, каде што ви е местото – објави Трамп на платформата Truth Social.

Белата куќа одби да објасни какви законски овластувања ќе употреби Трамп за да ги избрка луѓето од Вашингтон. Претседателот, републиканец, контролира само земјишта и згради во сопственост на федералната влада во градот.