Американскиот претседател Доналд Трамп одлучи да ги замрзне ограничувањата за извоз на американската технологија во Кина за да ја избегне можноста да создаде пречка во трговските преговори на Вашингтон со Пекинг и да си овозможи средба со својот кинески колега Си Џинпинг подоцна оваа година, објави „Фајненшл тајмс“, повикувајќи се на извори запознаени со ова прашање.

Претставници на владите на двете најголеми економии во светот треба повторно да се сретнат во Стокхолм подоцна денес за трговски преговори – нивната трета рунда, по претходните во Женева и Лондон.