Американскиот претседател Доналд Трамп го прогласи левичарското, антифашистичко движење „Антифа“ за терористичка организација, по убиството на десничарскиот политички активист Чарли Кирк, пренесе „Ројтерс“.

„Исто така, ќе препорачам оние што ја финансираат „Антифа“ да бидат темелно истражени според највисоките законски стандарди и практики“, напиша Трамп на својата социјална мрежа.

Белата куќа изминатите денови веќе најави дека има намера да се справи со „левичарскиот домашен тероризам“.

Властите во САД и медиумите блиски до нив го нарекуваат осомничениот за убиството на Кирк, Тајлер Робинсон, „убиец од крајната левица“, бидејќи ја осудил „омразата“ за која рекол дека Кирк ја ширел кон неговото семејство и пријатели и користел муниција со гравирани антифашистички пораки.

Обвинителите најавија дека ќе бараат смртна казна за Робинсон.