Пратеникот и лидер на ДС Павле Трајанов кој меѓу првите излезе со став дека Собранието треба да донесе декларација за Украина,  вели дека таков документ треба да иницира Владата.

-Треба Владата да ја процени целата ситуација и да ја утврди потребата да иницира таков документ, а Собранието да го донесе. Против сум партиите да предлагаат декларација за Украина за да добиваат политички поени. Во суштина, без објава, влезени сме во трета светска воја. Ситуацијата е пречувствителна, ако има декларација таа треба да е добро осмислена и усогласена, а не партиите да се натпреваруваат која ќе е подносител. Станува збор за исклучително стратешко прашање – смета Трајанов.