Пет искусни сурфери од Хаг настрадаа во досега невидени наноси  на морска пена пропратена со силни ветрови и бранови, кои ја спречија ефективната интервенција на тимовите за спасување, објави денес Си-ен-ен.

Кралската спасувачка организација во Хаг во понеделникот вечерта била известена за исчезнување на група сурфери, но и покрај обемната акција, спасувањето не дало резултати, поради  огромните наноси на морска пена, силниот ветер и големите бранови.

?? Pays-Bas : 5 surfeurs sont décédés lors d’une tempête lundi sur les côtes de Scheveningen à La Haye. Ils étaient expérimentés dont 2 comme moniteurs d’école de surf et certains avaient travaillé comme sauveteur. Les recherches se poursuivent https://t.co/yoh2eBrqbu pic.twitter.com/UDOWiAEKDb

— Alexandre L_B (@alex_le_bars) May 13, 2020

Две тела беа пронајдени во понеделникот, уште две вчера наутро, додека по петтата жртва сè уште се трага.

Спасувачките екипи успеале да спасат само еден член од групата сурфери, а надлежните органи испитуваат што ги предизвикало необичните огромни наноси на морска пена.

Градоначалникот на Хаг, Јохан Ремкс, изрази сочувство до семејствата на жртвите и ја опиша несреќата како „ужасна трагедија во која беа настрадаа млади, физички спремни, спортски настроени лица, кои многу добро го познавале морето“.