Две девојчиња го загубија животот во трагичен судир меѓу едрилица и баржа кај Мајами Бич, соопштија денеска локалните власти.

Несреќата се случила вчера во Бискејнскиот залив, помеѓу островите Монумент и Хибискус, кога едрилицата се превртела по сударот, соопшти полицијата на Мајами Бич.

На бродот се наоѓале еден инструктор и пет девојчиња. По сударот, сите завршиле во водата и биле извлечени од спасувачките служби и пренесени во локална болница, информира Комисијата за заштита на риби и диви животни на Флорида.

Според Американската крајбрежна стража, девојчиња на возраст од 7 и 13 години се прогласени за мртви во болницата. Други две – на возраст од 8 и 11 години – се во критична состојба.

Едно девојче (12) и една млада девојка (19), исто така биле спасени.

Надлежните органи истражуваат како дошло до судирот и дали се почитувани сите безбедносни процедури.