Министерот за внатрешни работи Панче Тошковски објави дека се сретнал со амбасадорката на САД, во земјава, Анџела Агелер.

„Средбата ја потврди блиската соработка и заедничката определба за јакнење на институциите и модернизација на системот, како темел за поуспешно справување со криминалот и корупцијата“, вели Тошковски.

Тој додава дека исто така, „партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните“.