Корпорацијата „Тојота Мотор“ ќе гради нова фабрика во Кина, во која ќе се произведуваат електрични автомобили „Лексус“, јавува „Никеи“.

Во новата фабрика кај Шангај, јапонскиот автомобилски гигант ќе склопува модели од луксузната марка „Лексус“, пишува веб-порталот повикувајќи се на повеќе извори.

Тојота има искуство во Кина преку заеднички инвестиции со домашни производители, но јапонската компанија новата фабрика ќе ја гради самостојно и само за свои потреби. Според најавите, таа би започнала со работа во 2027 година.

Другите производители се повлекуваат или го намалуваат присуството во Кина, но се чини дека „Тојота“ токму сега вложува двојно на најголемиот пазар во светот. Намерата на јапонската корпорација е да достигне најмалку 2,5 милиони произведени возила во Кина во 2030 година, објави „Ројтерс“.