18-годишна девојка од Скопје е тешко повредена откако вчера во населбата Ново Лисиче ја прегазил возач на комбе, соопшти МВР.

„На 03.09.2025 околу 14:00 часот во СВР Скопје, било пријавено дека на бул. „Февруарски Поход“ во Скопје, товарно возило „фиат дукато“ со скопски регистарски ознаки, управувано од Б.Ј.(53) од Скопје удрило во 18-годишната И.И. од Скопје. Во несреќата со тешки телесни повреди се здобила И.И., констатирани во Комплексот клиники „Мајка Тереза“. Увид на местото извршила екипа од СВР Скопје“, пишува во полициското соопштение.