Кристијано Роналдо и Лионел Меси повторно би можеле да ги видиме заедно на терен и тоа сега во иста екипа во чест на аргентинскиот ветеран Карлос Тевез.

Аргентинецот најави дека ќе организира проштален натпревар во кој ќе собере фудбалери од неговите поранешни клубови

„Лионел Меси и Кристијано Роналдо лично ќе ги доведам, ги имам нивните броеви на Ватсап“, најави Тевез кој со Роналдо ја делеше соблекувалната во Манчестер јунајтед, додека со Меси беше соиграч во репрезентацијата.

Освен Роналдо и Меси тука ќе бидат уште имиња како Буфон, Ван Дер Сар, Патрис Евра, Видиќ, Киелини…

„Ван Дер Сар ќе биде на едниот гол, Буфон на другиот. Во одбраната ќе бидат: Фердинан, Видиќ, Киелини, Бонучи…мојот брат Евра исто така мора да е тука. Кога во прашање е средниот ред очекувам да се појават: Пирло, Сколс, Рикелме, Руни во нападот исто така…потребно ќе биде само да најдам термин кој ќе одговара за сите“, истакна Тевез.