Зазарони тврди дека постојат најави и информации дека два клуба од Серија А имаат фудбалери кои се позитивни на коронавирус, но тие информации ги чуваат во тајност со цел да ги објават во моментот кога на нив ќе им одговара за да ја прекинат Серија А.

Новинарот не наведува за кои екипи станува збор, не сакаше да прави детални анализи, но затоа напиша:

„Малкумина се тие кои веруваат во овие информации,или да ги наречам сигурни гласини, но во земјата на сомнежи секогаш ќе се најде некој кој ќе предизвика ураган“.

За многумина колумната на Зазарони е напишана на база на гласањето на екипите од Серија А, од вкупно 20 екипи – 16 гласаа да се прекине првенството и да нема шампион или испаѓање доколку пандемијата коронавирусот не дозволи да се доигра до крајот. Против оваа одлука бил тимот на Милан, додека воздржани биле Наполи, Рома и Лацио.

Колумната на Зазарони предизцика бура во фудбалската јавност, а еден од најгласните е Клементе Мастела претседателот на Беневенто, лидерот во Серија Б кој има 20 бода повеќе од второпласираниот Кротоне.

– Барам итна истрага по информациите кои ги изнесе Иван Зазарони. Разочаран сум што ваква идеја се појавува во јавноста, барам од Италијанската фудбалска федерација да не им дозволи да гласаат на клубовите кои имаат судир на интереси бидејќи можат да им нанесат огромна штета на останатите екипи кои вложија многу труд, работа и средства сезонава – изјави Мастела.