Вицепремиерот и министер за надворешни работи на Италија, Антонио Тајани, денес телефонски разговараше со својот израелски колега Гидеон Сара по израелскиот напад врз католичката црква на Светото семејство во Газа и во таа прилика остро ги осуди нападите во Појасот Газа, наведувајќи дека Италија ја смета ситуацијата за неприфатлива, соопшти денес италијанското Министерство за надворешни работи.

Тајани ја нагласи потребата од постигнување итен прекин на огнот со цел да се избегнат понатамошни страдања на цивилите и изрази надеж дека ќе се разјасни кој е одговорен за нападот, се вели во соопштението, пренесува Анса.

Според извештаите, Тајани го повикал и парохискиот свештеник на црквата, отец Габриел Романели, изразувајќи ја својата солидарност и целосна поддршка за жртвите.