Полицијата поднесе пријава против татко и син од струшкото село Корошишта, кои краделе струја откако го манипулирале броилото да не ја мери потрошувачката, соопшти МВР.

„СВР Охрид поднесе кривична пријава против Ч.И.(83) и Ф.И.(45), двајцата од с.Корошишта, струшко, поради постоење основи на сомнение за сторено кривично дело „кражба на електрична енергија, топлинска енергија или природен гас“. На 17.01.2025 била извршена контрола на објект во Струга, при што било констатирано дека пријавените го прекинале доводниот кабел до електричното броило и на него поврзале бакарни жици со кои се премостувало елетричното броило да не мери потрошувачка“, пишува во полицискиот билтен.