Грчките производители на квалитетно маслиново масло итно бараат нови пазари. Тарифите на Трамп за европските стоки го прават грчкото маслиново масло, кое со години е барано во САД, непопуларно, велат производителите. Грција е петти најголем извозник на маслиново масло во САД, со околу 10.000 тони годишно, пишува „АгроТелеграф.бг“.

Производството на маслиново масло е многу важна индустрија за земјата. Производот успешно се продаваше на американскиот пазар, а сега производителите се грижат сами за себе, велат од секторот. Некои веќе успеале да склучат договори со малопродажни синџири во Бразил и Австралија, но по компромисна цена и количини. Грешката на грчките производители е што го создадоа целиот систем на производство и извоз, потпирајќи се само на американскиот пазар, признаа сопствениците на компаниите за маслиново масло во коментарите.

Не е можно за кратко време да се пренасочи производството кон други пазари. Високата цена на квалитетното маслиново масло – на пример, од островот Крит – не дозволува да се пласира на домашниот пазар, категорични се производителите. Тие се обратија до владата со барање за помош.