Регионот е полн со различности, привелегија е да се учи еден од друг. Ниту една земја не може да се избори сама со предизвиците на глобализацијата, затоа треба заедно да се бориме врз основа на нашите заеднички вредности, истакна во својот говор на панел дискусијата во рами на Преспа Форумот, европратеничката Тања Фајон.

-Сакам да видам младинско движење од Европа којешто ќе се бори за европските вредности. Можеби звучи апстракно, но ако има младински активизам за чиста животна средина, зошто да нема и за европските вредности. Имаме различна историја, овој регион е полн со различности, ова е богатство. Привилегија е да учиме едни од други. Денес сме потребни едни на други повеќе од било кога. Во овој глобализиран свет имаме многу предизвици, климатски промени, енергетска зависнот, тероризам… Ниту една земја на овој континент не може да се избори сама со овие предизвици. Затоа треба заедно врз основа на нашите заеднички европски вредности – истакна Фајон.