Таксистите во Париз се закануваат дека ќе го блокираат пристапот до терените на Ролан Гарос на 26 мај доколку властите не ги послушаат нивните барања, објавуваат тамошните медиуми.

Тие се загрижени за нивните примања. Веќе петти ден го блокираат сообраќајот во Париз и се собираат на локации полни со туристи како Ајфеловата кула, но и блокираат патишта. Протестите се проследени со свирење од автомобилите и вклучување на трепкачите од возилата.

Ако владата не сака да нè слушне, тогаш ќе се погрижиме за Ролан Гарос, изјави Емануел Кордиер, претседател на Националната федерација на такси возачи

Возачите се незадоволни од новите правила и конкуренцијата од апликации за заедничко возење. Нивните протести се проширија и надвор од метрополата каде исто така се одржуваат протести.