Најмалку пет лица загинаа, а 15 се повредени откако тајфунот Каџики го погоди северниот дел на Тајланд, соопшти денес националната агенција за катастрофи.

Поплави и лизгања на земјиштето погодија 12 провинции на север и североисток од Тајланд од 24 август, зафаќајќи 1.800 домови и повеќе од 6.300 луѓе, објави државната новинска агенција VNA.

Се очекува нивото на водата дополнително да се зголеми во некои области.

Иако тајфунот Каџики ослабе до тропска депресија додека се движи кон внатрешноста, метеоролозите предвидуваат обилни дождови во северните и централните региони во текот на целата недела.

Тајланд доживува обилни дождови од јуни до септември, но експертите предупредија дека нивниот интензитет се зголемил поради климатските промени, потсети агенцијата.