Автомобил се запали и изгоре вечерва на булеварот „Македонско-Косовска бригада“ во скопската населба Топанско Поле, објави на Фејсбук новинарката Менче Точи. „Во моментот гори кола на Македонско Косовска. Јавено е на МВР и Пожарна, уште нема никој“, пишува таа во објавата на Фејсбук, заедно со фотографија од автомобилот во пламен.
Претпладнево околу 10:00 часот изгоре автомопбил марка „опел” во селото Банско, кај Струмица, информираат од Територијалната противпожарна единица на Струмица. Пожарот бил во поодмината фаза и заради лесно запаливите материјали лесно можел да се прошири, но со брза интервенција на пожарникарите пожарот е изгаснат. Во гаснењето на автомобилот учествувале четворица пожарникари и едно противпожарно возило.
Од засега непознати причини вчера вечер на улицата „Владимир Полежановски“ пламнал пожар во товарно возило „шкода“. Во пожарот оштетено е и возило „сузуки свифт“, сопственост на Д.А. од Скопје.
Триесет и петгодишниот Н.М. од скопско Арачиново ноќеска во МВр пријавил дека му изгорело неговото патничко возило „ауди А5“. Пожарот бил изгаснат од сопственикот, а повредени лица нема.
