Повеќе од 6000 случаи на мајмунски сипаници се потврдени во 58 земји, покажуваат податоците на Светската здравствена организација (СЗО), која ќе свика нов итен состанок поради ширењето на епидемијата.

„Агенцијата на ОН повторно ќе свика состанок на комитетот за да препорача избувнувањето да се прогласи за глобална здравствена вонредна состојба, највисокото ниво на предупредување на СЗО, почнувајќи од или пред 18 јули“, рече шефот на СЗО Тедрос Аданом Гебрејесус на виртуелна прес-конференција од Женева.

На претходен состанок на 27 јуни, одборот одлучи дека појавата, која забележа зголемување на случаите во африканските земји каде што обично се шири на глобално ниво, се уште не претставува здравствена криза.

„Загрижен сум за обемот и ширењето на вирусот во светот“, рече Тедрос, додавајќи дека недостатокот на тестирање значи дека веројатно има многу повеќе случаи.

„Околу 80 отсто од случаите се од Европа“, изјави тој.

Извор: МИА