МЗТ Скопје вечерва ја оствари првата победа во престижната АБА лига после 2018 година кога беше совлада Цибона. Денес клубот од Аеродром беше подобар од Студентски Центар Дерби со 92:79.

Победата МЗТ ја обезбеди со серијата од 16:2 која започна со тројката со звукот на сиерната на Мајк Кафи на крајот од првиот период. Кон средината на третиот период МЗТ имаше највисоки до тој момент плус 12 (60:48).

Продолжи добрата игра на МЗТ и во последните десет минути кога стигнаа до 72:57. Со овој резултат веќе се најавуваше крајниот епилог. МЗТ вечерва беше подобар скоро во секојата категорија и заслужено се радуваа на триуфмот.

Лидер на МЗТ беше Мајк Кефи со 23 поени, четири скока и седум асистенции, по 13 поени постигнаа Самет Југитоглу и Страхиња Миќовиќ. Дамјан и Војдан Стојановски натпреварот го завршија со 14 односно 10- поени. Цедевита Олимпија ќе биде следен противник на македонскиот шампион, овој натпревар се игра в сабота во Љубљана.