Стопанската комора на северозападна Македонија остро ја осудува „кампањата против албанските бизниси“, оценувајќи ја како длабоко загрижувачка, објави ТВ „Клан МК“ откако според телевизијата, плакати со кои се повикува на бојкот на ланец маркети во сопственост на бизнисмен-Албанец се појавиле во скопската населба Кисела Вода.

„Комората остро ги осудува ваквите појави од секаков вид. А, особено за фирмите кои работат чесно и исполнуваат даночни обврски кон државата, од кои даноци има и тој што прави ваква глупост кога се знае дека таквите големи компании плаќаат фрапантни придонеси од кои корист имаат и Албанците и Македонците. Затоа не само што го осудуваме случајот, туку бараме надлежните органи да преземат мерки ваквите случаи да не се повторат. Им порачуваме на злонамерниците да ги држат рацете понастрана од слободната пазарна економија“, изјави Менди Ќира, директорот на Стопанската комора на северозападна Македонија.