Женската тениска репрезентација на Македонија со победа против Јужна Африка го стартуваше купот Били Џин Кинг, кој се игра во Ларнака, Кипар.

На програмата денеска беше првото коло, а Македонија премногу лесно стигна до победата.

Прва на теренот излезе Магдалена Стоилковска која за 40 минути игра ја совлада Дона Ле Ру дозволувајќи ѝ да освои само три гема. Првиот сет Стоилковска го доби со 6-3, а вториот со 6-0.

Убедлива беше и Лина Ѓорческа, која за еден час игра славеше над Мари Луис Ван Зил со 6-2 и 6-1.

Така Македонија ја обезбеди победата па мечот во двојки каде што за нас ќе настапат Ана Митевска и Јана Божиновска.