Ова беше еден од најдобрите натпревари во мојот живот, изјави селекторот на кошаркарската репрезентација на САД Стив Кер, која во полуфиналето на олимпискиот турнир во Париз ја победи Србија со 95-91, преземајќи го водството за првпат во последните минути, иако беше во негатива и со 17 поени.

– Им кажав на нашите тренери дека ова ќе биде најтешкиот натпревар на турнирот. Го очекував ова. Србија е толку добар тим, толку добро воден. Никогаш не е лесно да се победи ист тим три пати во краток временски период, а ние ги добивме двапати пред ова и тоа не беа незивесни средби. Го мразев тоа, бидејќи чувствував дека сега ќе биде многу тешко – рече Кер по мечот.

Тој смета дека Србија одиграка совршен натпревар.

– Погодија толку многу тешки шутеви. Алекса Аврамовиќ погоди четири тројки во првото полувреме, тоа не го очекувате. Но, тоа е моментот, тоа е Олимпијада, играчите беа брилијантни, испорачаа иако играа под притисок. Одличен тим. Тим со класа. Играат толку тврдо, толку колективно – дополи селекторот на САД.

Тој не се срамеше да каже дека бил почестен да биде дел од овој натпревар.

– Искрено, Србите ме направија да се чувствувам скромно, навистина скромно. Чест ми е што сум дел од овој натпревар. Ова беше еден од најдобрите мечеви во мојот живот. Секако, среќен сум што победивме. Видов некои српски играчи како плачат по натпреварот. Се чувствував ужасно затоа што направија се. Играа прекрасна кошарка – не штедеше комплименти Кер.

Дали Стив Кер навистина се плашеше од пораз, беше едно од прашањата од новинарите.

– По ѓаволите, да! Бев загрижен цел натпревар и цел ден вчера. Никола Јокиќ е најдобриот кошаркар во светот, а српската репрезентација секогаш знае да игра. Тие се тврди играчи, паметни. Оваа екипа не им шутерски најдобра, ако се спореди со претходните. Но вечерва им требаа тројки и ги дадоа. Мислам 15, ако не се лажам. Ме натераа да помислам дека го погодија секој важен удар. Имавме доволно време да се вратиме и да победиме, но беше толку тешко, тие беа неверојатни – заклучи Кер.