„Забавна зона“ е новиот проект на „Слободен печат“, кој започнува денеска со почеток во 18 часот. Станува збор за интерактивна и забавна емисија преку која ќе ви ги покажеме сите атракции на градот каде што може да си поминете одлично и квалитетно време со вашите најблиски, со вашите пријатели или семејството.

Во време кога ноќниот живот во главниот градот е оставен без дискотеки, а кафулињата и ноќните барови се преполни, влетува „Слободен печат“ во играта!

Искрено ќе ви препорачаме каде може да се забавувате и во работните денови, а и за време на викендите. Ќе ви понудиме идеи кои ќе ви го подигнат адреналинот и ќе овозможат да имате незаборавно време со вашето друштво.

Скопските забавни атракции ќе ви ги покаже нашата новинарка Јована Трајковска која одблизу ќе ве запознае со секоја од активностите и ќе ви даде идеи како поинаку да го поминете своето слободно време!

Гледајте „Забавна зона“ денеска со почеток од 18 часот на јутјуб каналот на „Слободен печат“!