Премиерот на Обединетото Кралство Кир Стармерво рамки  на неделата на технологија во Лондон објави дека повеќе од 7,5 милиони работници ќе бидат обучени да користат вештачка интелигенција (АИ) до 2030 година.

Тоа е дел од поширок план да ги научи луѓето, вклучително и студентите, како да користат вештачка интелигенција и технологија, објасни Стармер, додавајќи дека обуката ќе се спроведува во партнерство со 11 компании со „целосно овластување од владата“, пренесува Скај њуз.

„До крајот на овој парламент, треба да можеме да го погледнеме секој родител во очи во секој регион на Британија и да кажеме, погледнете што може да направи технологијата за вас. Можеме да ставиме пари во вашиот џеб. Можеме да создадеме добри работни места и значително да ги подобриме нашите јавни услуги“, нагласи Стармер, пренесува Танјуг.

Стармер најави и инвестиција од 1 милијарда фунти за зголемување на компјутерската моќ на Велика Британија за 20 пати.