Цените на земјоделското земјиште во Србија доживуваат невиден раст, а пазарот достигна ниво кое пред неколку години изгледаше незамисливо. Според Републичкиот геодетски завод, еден хектар земјиште во градот Руменка е продаден за повеќе од 500.000 евра, што е рекордна цена, пренесува „Еуроњуз“.

Продажбата предизвика бројни реакции, особено кај земјоделците и инвеститорите.

Освен овој исклучителен случај, фактот дека просечната цена на плодното земјиште во Војводина достигна 15.900 евра по хектар зборува за растечкиот интерес за квалитетни обработливи парцели, како и за трендот на постојано зголемување на цените во овој сектор.