Српските пожарникари кои синоќа пристигнаа во Грција во текот на денот ќе знаат каде ќе бидат стационирани за да помогнат во гаснењето на пожарите кои со денови беснеат во неколку грчки региони, изјави раководител на Секторот за вонредни состојби Лука Чаушиќ.
Според началникот на Секторот за вонредни состојби, нивните пожарникари кои заминале во Грција да помогнат во гаснењето на пожарите наскоро ќе знаат каде ќе бидат стационирани.

„Во тек е брифингот со грчките домаќини. Грчкиот терен е специфичен и еден од најтешките за гасење пожари во светот. Со ниска вегетација, високи температури и силен ветер гаснењето на пожарот е исклучително тешко“, изјави Лука Чаушиќ.

Тој вели и дека тимот е апсолутно самодоволен за период од 7 до 10 дена, а дали ќе останат подолго во Грција зависи од ситуацијата на теренот. Србија и понуди на Грција помош од воздух во гаснењето на пожарот.

„Исклучително ги зајакнавме капацитетите на нашата хеликоптерска единица за гаснење пожари и доколку има потреба ќе испратиме таков тип на помош во Грција“, рече Чаушиќ.

Во лето пожарите се вообичаени и во Србија, вчера пожарникарите гаснеа пожари кај Ушќе, Куршумлија и Пирот. Раководителот на Секторот за вонредни состојби уште еднаш апелира до граѓаните да бидат внимателни бидејќи најчеста причина за пожарите е човечкиот фактор.