Српската листа  денеска објави дека со протерувањето на српските полицајци кои се родени и со децении живееле на Косово, со распишување налози и испрашување на десетици Срби за мирните протести одржани во 2022 година или, како што Приштина ги нарекува барикади, како и со најавата за изградба на два моста на Ибар, забрзано се спроведува планот на Курти за етничко чистење на српскиот народ  од Косово.

„Станува збор за насилството на институциите кои вршат невиден притисок врз чесните Срби кои не се откажуваат од своето српско име и презиме, кои не сакаат да бидат слуги на Курти и кои сега се цел на тортура  само затоа што се Срби“, се нагласува во соопштението.

Се посочува дека е срамно и загрижувачки што нема реакција од меѓународните мисии и институции – ЕУ, земјите од Квинтата, УНМИК и КФОР, кои според нивните мандати треба да го спречат ваквото однесување и да ги заштитат основните човекови права.