Новиот в. д. директор на Државниот Инспекторат за животна средина е Сретен Стојковски, со Решение на Владата на Република Северна Македонија за именување вршител на должноста директор на Државниот Инспекторат за животна средина бр.14-8832/1 од 4 август 2021 година, објави денеска на фејсбук профилот Државен инспекторат за животна средина.

Објавата е поместена во „Сл.Весник на РСМ” бр.190/2021 од 11 август.

-Стојковски е роден 1967 во Куманово вработен во МЖСПП, советник во Секторот за ЕУ, со овластување работи во Секторот за локална самоуправа и управно надзорни работи. Тој е дипломиран инженер технолог, магистер по технички науки од областа Инженерство на животната средина, Технолошко-Металуршки Факултет при УКИМ, Скопје, информираат од Државен инспекторат за животна средина. 

Извор: МИА