Хрватска одби пратка брокули од Србија на граница, поради утврдените остатоци од пестицидот флуазифоп, објави РАСФФ, европскиот систем за брзо предупредување и информации за храна. Преземената мерка е уништување на производот.

Граничната контрола на Хрватска во примерокот земен на 13 ноември 2024 година, открила остатоци од пестицидот флуазифоп во количина од 0,067 милиграми по килограм (мг/кг – ппм), според РАСФФ, објави Даница.хр.

Како што е наведено на веб-страницата на РАСФФ, пратката е задржана, а Хрватска презела мерки за уништување на производот. Флуазифоп е пестицид од групата хербициди, што значи дека се користи за сузбивање на плевелите.

Претходно, Полска ги повлече бисквитите од Србија од пазарот, бидејќи нивото на конзерванси било четири пати поголемо од максимално дозволеното, пишува Н1.