Во Србија минатата година во индустријата за висока технологија биле вработени дури 125.000 луѓе, од кои 45.800 биле жени. Во споредба со мажите, тие сочинуваат нешто повеќе од една третина од работната сила, односно 36,6%, што го надминува просекот на Европската унија кој е 32,8 проценти. За жал според податоците од 2020 година, во Македонија само 9,8 отсто од жените се наоѓаат себеси во ИТ секторот.

Ова го покажаа новите податоци на Евростат, во истражувањето на регионите кои вработуваат најмногу жени во високотехнолошките индустрии. Податоците за Србија, исто така, покажуваат дека бројот на жени на високотехнолошки работни места е зголемен за 23 отсто во последните пет години, од 37.200 на речиси 46.000. Србија е, исто така, малку подобра од европскиот просек кога се гледа уделот на жените од високотехнолошкиот сектор меѓу сите вработени во една земја со учество е 3,5%, за разлика од ЕУ – 3,4%. Кога станува збор за земјите од регионот, достапни се податоци за Словенија и Хрватска, додека за Црна Гора и Македонија, најновите бројки се од 2020 година (само БиХ не е претставена).

Во апсолутна смисла, јасно е дека Србија има најголем број жени во високите технологии, колку Словенија и Хрватска заедно, но гледајќи го уделот во вкупниот број вработени, Словенија предничи со 5,2%. Во Европската унија вкупно 9,8 милиони работници се вработени во високотехнолошките индустрии, од кои 3,2 милиони се жени или нешто помалку од една третина, анализира Форбс Србија.