I huazuari i Arsenalit, i riu anglez Folarin Balogun shënoi në momentet e fundit të ndeshjes për të çuar skuadrën e Reims në një pikë në ndeshjen jashtë fushe ndaj liderit të tabelës në ligën e parë franceze, skuadrës së PSG-së.

Edhe pse favoritët PSG kaluan në epërsi në pjesën e dytë me anë të Neymar, gjërat u vështirësuan për nikoqirët pasi Marco Verratti mori një karton të kuq direkt në minutën e 59-të.

Skuadra e Reimsit, e cila është në formë të shkëlqyer, arriti të shënojë gol në fund të fundit, pikërisht përmes golashënuesit më të mirë, Balogun.

Ky është goli i 11-të për 21-vjeçarin anglez, i cili vitin e kaluar nënshkroi kontratë shumëvjeçare me skuadrën e Arsenalit, por duke qenë se koha e tij e lojës në klubin londinez ishte e kufizuar, ai vendosi të shkojë në Francë si huazim.

Reims ka qenë në formë të shkëlqyer në ndeshjet e fundit, gjë që e ka parë ekipin që kohët e fundit ka luftuar për mbijetesë tani në vendin e 11-të.