Hekurudha në Britaninë e Madhe sot punonte me vetëm 20 për qind të kapaciteteve për shkak të grevës së hekurudhave, raporton “BBC”.

Gjysma e linjave hekurudhore të vendit janë mbyllur, pasi më shumë se 45 punëtorë hekurudhor janë në grevë duke shprehur pakënaqësi për pagat e ulëta dhe kushtet e këqija të punës.

Përfshirja e punonjësve të sinjalizimit në të gjithë Anglinë, Uellsin dhe Skocinë e ndërlikon më tej situatën pasi pa sinjalizim trafiku hekurudhor është praktikisht i pamundur.

Pasagjerët këshillohen të udhëtojnë me tren vetëm nëse nuk kanë zgjidhje tjetër.

Sekretari i përgjithshëm i Unionit Hekurudhor, Detar dhe Transportit, Mick Lynch, paralajmëroi se mosmarrëveshja mund të vazhdojë "pafundësisht" për një kohë të gjatë nëse nuk arrihet një marrëveshje pagash.

Ai akuzoi qeverinë për përdorimin e parave të taksapaguesve britanikë për të "shpëtuar kompanitë private të hekurudhave, duke i ndihmuar ato të shmangin përgjegjësinë për të ardhurat e humbura për shkak të grevës.

Departamenti Britanik i Transportit tha se udhëheqësit e sindikatave nuk duan të negociojnë, dhe në vend të kësaj "të prishin jetën e përditshme të miliona njerëzve".

Një tjetër grevë e punonjësve britanikë të hekurudhave është planifikuar për të shtunën.