Ish-drejtori i Fondit Shëndetësor Stefanoski do të menaxhojë kompaninë më të madhe të kultivimit të kanabisit në Maqedoni
Ish-drejtori i Fondit të Shëndetësisë, Sasho Stefanoski, do të menaxhojë kompaninë më të madhe të kultivimit të kanabisit në Maqedoni - NJSK Holding. Kompania është e përqendruar me punën e saj në Komunën e Petrovecit dhe ka licencë për eksportin e luleve të thata në tregjet evropiane.
Stefkovski u emërua drejtor i Fondit të Sigurimeve Shëndetësore në vitin 2015. Ai me profesion është orokirurg, ndërsa më parë ka qenë sekretar shtetëror në Ministrinë e Mbrojtjes dhe atë të Vetëqeverisjes Lokale. Ai ishte edhe kryetar i Unionit të Forcave të Reja të VMRO-DPMNE-së dhe për një kohë të shkurtër i degës lokale të VMRO-DPMNE Qendrës. Stefanoski për mediat maqedonase ka konfirmuar se është kreu i ri i importuesit më të madh të produkteve të kanabisit nga Maqedonia, por po ashtu ka theksuar se nuk është më aktiv politik. Ai deri më tani ka qenë drejtor i departamentit për çështje operative në NJSK Holding dhe ka punuar në kompani për disa vite.
Në qershor 2021, NJSK Holding u bë kompania e parë maqedonase që mori licencën për të eksportuar lule të thata kanabisi si një substancë farmaceutike aktive. NJSK Holding është themeluar në gusht të vitit 2016 dhe është kompania e parë e licencuar për kultivimin e kanabisit mjekësor në vend, si dhe është kompania e parë maqedonase me licencë evropiane për prodhimin e produkteve farmaceutike të bazuara në kanabinoid.