Легендарниот англиски фудбалер Пол Гаскоњ пред повеќе од 30 години преговараше со Манчестер јунајтед и сер Алекс Фергусон за сензационален трансфер во тоа време.

Гаскоњ на Фергусон во 1988 година во телефонски разговор со Фергусон му ветил дека ќе потпише за Манчестер јунајтед, но се предомисли откако тогашниот претседател на Тотенхем, Ирвинг Сколер, за 120.000 фунти им купил куќа на родителите на англискиот фудбалер.

Поради пропаднатиот трансфер, сер Алекс Фергусон го нарече Гаскоњ, будала.

– Фергусон тврди дека се би било поинаку да потпишев за Манчестер јунајтед – рече Гаскоњ кој во последните две децении има проблеми со алкохолот.

Славниот англиски фудбалер изнесе неколку валканици за фудбалерите на Јунајтед само за му докаже на Фергусон дека не погрешил во изборот.

– Рио Фердинанд бегаше од тестирањата за дрога, Ерик Кантона удри некоја будала на трибините. Вејн Руни имаше секс со некоја баба, а Рајан Гигс спиеше со сопругата на сопствениот брат. Манчестер јунајтед е е**н пекол. И сега тој мене нешто ми зборува – вели Гаскоњ.

Пол Гаскоњ кариерата ја започна во Њукасл, а играше уште и за Тотенхем, Лацио, Глазгов Ренџерс, Мидлсбро, Евертон и Барнли.