Компанија која е во сопственост на газдата на ПСЖ, „Катар Спортс Инвестментс“ купува малцински удел во португалскиот гигант Брага.

Во Брага Ал Келаифи ќе се обиде да создаде нова фудбалска доминација и да направат проблеми на „големата тројка“, Порто, Бенфика и Спортинг.

Според информациите на „Беин Спортс“ компанијата откупила точно 21.67 отсто од акциите на Брага која во минатата сезона заврши како четвртопласирана во португалското првенство. Брага е вториот фудбалски клуб во Европа кој го купува оваа групација, која започна да работи по примерот на „Сити Фудбал Груп“, кој е сопственик на неколку клубови меѓу кои Манчестер Сити.

Сумата која ја платиле за овој процент од акциите изнесувала 80 милиони евра. Она што е интересно е за оваа сума Ал Келаифи го купи ПСЖ во целост во пред 11 години. Ваквата ситуација е само доказ колку се променија финансиски работите во фудбалот во последните десетина година.

Нивната цел ќе биде на Брага да и ја донесат првата шампионска титула, со оглед на тоа дека овој клуб никогаш не успеал да стигне до титулата во првенството.