Предлозите на Владата за нов министер за здравство и нов заменик-министер за земјоделство, шумарство и водостопанство, во понеделник ќе се најдат пред пратениците.

Својата 54-та седница во овој состав Собранието ја закажа за понеделник во 11 часот, а пратениците ќе расправаат за предложените имиња на овие функции.

Поранешниот министер за информатичко општество и државна администрација, Азир Алиу, е предложен за министер за здравство, додека за испразнетата заменичка функција во МЗШВ е предложен Албрим Хоџа. И двајцата кандидати доаѓаат од „Вреди“, каде членуваше и досегашниот министер за здравство, Арбен Таравари, кој реши да премине во опозиција.