Германската влада усвои пакет реформи со кои има намера да започне фундаментална модернизација на државата и администрацијата. На крајот од дводневниот состанок во Берлин, федералниот кабинет ја одобри таканаречената „програма за модернизација“, која вклучува повеќе од 80 поединечни мерки, објави ДПА. Целта е да се намали административниот товар врз граѓаните и бизнисите и да се поедностават процесите.

Според германскиот канцелар Фридрих Мерц, програмата треба да ја врати земјата „на врвот“. Програмата е обврзувачка меѓуресорска мапа со јасни рокови за имплементација. Според Министерството за дигитализација, првите проекти ќе започнат веднаш. Владата ја потврди целта поставена во коалицискиот договор за намалување на трошоците за бирократија за 25 проценти, или околу 16 милијарди евра, до крајот на законодавниот период во 2029 година.

Исто така, се планира да се намали бројот на вработени во парламентарната администрација и во министерствата за најмалку осум проценти до истиот датум. Владата ја потврди целта поставена во коалицискиот договор за намалување на трошоците за бирократија за 25 проценти, или 16 милијарди евра, до крајот на законодавниот период во 2029 година. Декларираната цел е исто така да се намали „бројот на вработени во парламентарната администрација и администрациите на министерствата“ за „најмалку 8 проценти“ до 2029 година, пренесува БТА.